Առաջին անգամ Արդարադատության ակադեմիայում վերապատրաստվում են ՀՀ մարդու իրավունքների պաշտպանի գրասենյակի աշխատակազմի աշխատողները:
Հոկտեմբերի 4-ից մեկնարկել են Օմբուդսմենի աշխատակազմի վերապատրաստման դասընթացները՝ երկու խմբով: Այս շաբաթ վերապատրաստման դասընթացին մասնակցում է քաղաքացիական մասնագիտացմամբ 5, իսկ հաջորդ շաբաթ կվերապատրաստվի քրեական մասնագիտացմամբ 7 ունկնդիր: Վերապատրաստման ծրագրով նախատեսված է ինչպես մասնագիտական, այնպես էլ հարակից առարկաների դասավանդում:
ՀՀ մարդու իրավունքների պաշտպանի աշխատակազմի աշխատողների վերապատրաստումն իրականացվում է դատական ծառայողների ուսուցման ծրագրի համապատասխան: