Սուրբ Վալենտին
 Ճապոնիայում տոնը սկսվում է փետրվարի 14-ին: Այդ օրը նվերներ են ստանում միայն տղամարդիկ՝ մասնավորապես շոկոլադ, այնուհետև մեկ ամիս անց որպես փոխադարձ սիրո նշան տղամարդիկ սիրելի կանանց նվիրում են սպիտակ շոկոլադ, քանի որ մարտի 14-ը Ճապոնիայում հայտնի է որպես «Սպիտակ օր»: Անգլիայում փետրվարի 14-ին չամուսնացած աղջիկները արթնանում են արևածագից առաջ, կանգնում են պատուհանի մոտ և նայում անցնող տղամարդկանց: Ըստ հավատամքի՝ իրենց տեսած առաջին իսկ տղամարդն ապագա փեսացու լինելու ամենաիրական հավակնորդն է: Իտալիայում, որտեղ, ըստ լեգենդի, սկիզբ է առել Սուրբ Վալենտինի օրը, փետրվարի 14-ն անվանում են «քաղցր» օր: Տոնի անվանումն արդեն իսկ հուշում է, որ հիմնական նվերներն են սրտաձև կոնֆետները, թխվածքները և շոկոլադները: Ավստրալիայում տղամարդիկ նախկինում իրենց սիրելիներին նվիրում էին վալենտիններ՝ պատրաստված ատլասե բարձից և զարդարված ծաղիկներով ու գունավոր խեցիներով: Սակայն ժամանակի ընթացքում դրանք կորցրեցին իրենց կարևորությունը, և այժմ առավել նախընտրելի է նվիրել բացիկներ ու ծաղիկներ: Հոլանդիայում Սուրբ Վալենտինի օրը նշանակալի է հատկապես կանանց համար, ովքեր կարող են իրենց կողմից համակրած տղամարդուն ամուսնության առաջարկություն անել: Առաջարկը մերժելու դեպքում տղամարդը պետք է կնոջը նվիրի զգեստ, նախընտրելի է մետաքսե: Դանիայում սերն ու համակրանքն արտահայտելու ամենաընդունված ձևը բացիկներ ուղարկելն է, որոնք ժամանակին թափանցիկ էին և միայն լույսի տակ պահելիս արտացոլում էին սիրելիի պատկերը: Դանիայում այս օրը ընդունված է նաև ընկերներին ու սիրելիներին ուղարկել ձնծաղիկներ: ԻսկGaekkebrev ավանդույթի համաձայն՝ անանուն բանաստեղծություններ ու նամակներ են ուղարկում, և եթե հասցեատիրոջը հաջողվում է գուշակել իր երկրպագուի անունը, նրան այդ տարի նվիրում են Զատիկի ձու: Մեքսիկայում տղամարդիկ իրենց զգացմունքներն արտահայտում են հենց սիրելիի տան պատուհանի տակ՝ սերենադ երգող երեք երաժիշտների ընկերակցությամբ: Կան նաև երկրներ, որտեղ Սուրբ Վալենտինի օրվան նվիրված տոնակատարությունները խստիվ արգելվում են: Օրինակ՝ Իրանում ևՍաուդյան Արաբիայում փետրվարի 14-ին բոլոր խանութներում արգելվում է փափուկ խաղալիքների, «վալենտինների», կարմիր վարդերի և տոնի հետ առնչվող ցանկացած այլ նվերների վաճառքը: |
