Այս անգամ հարցազրույց ունեցանք պատանի երգիչ Կարեն Հարությունյանի հետ: Նպատակասլաց Կարենը պատմում է իր և ապագա պլանների մասին:
-Ո՞ր տարիքից ես սկսել երգել: -Ես չէի էլ
պատկերացնում, որ վոկալային տվյալներ ունեմ, որ կցանկանամ երգիչ դառնալ: Կարելի է ասել, որ ինձ բացահայտել է իմ երգի ուսուցչուհին՝ Վարդուհի Մովսիսյանը: Հենց նա ինձ ոգևորեց, միշտ ասում է, որ ես լավ երգիչ կդառնամ: Հաճախել եմ դաշնամուրի, 3 տարի կիթառի, ինչպես նաև վոկալի եմ հաճախում:
-Երգարվեստում այն աստիճանը, որին ցանկանում ես հասնել:
-Ցանկանում եմ, որ մարդիկ, որտեղ էլ լինեն, երբ լսեն ձայնս դրական գնահատական տան, ճանաչեն և սիրեն ինձ: Լավ հասկանում եմ, որ այս ամենին հասնելու համար քրտնաջան աշխատանք է հարկավոր: Միշտ ձգտում եմ ավելիին:
-Հետագայում կրթությունդ որտե՞ղ ես շարունակելու: -Բացի երգիչ դառնալուց, երազում եմ նաև բժիշկ դառնալ, այդ ուղղությամբ էլ կշարունակեմ, սակայն վոկալի դասընթացների այժմ էլ հաճախում եմ և կշարունակեմ հաճախել:
-Ազատ ժամանակ ինչո՞վ ես սիրում զբաղվել:
Ազատ ժամանակ միայն երգում եմ:
-Նկարահանվել ես նաև «Casting Emile» գեղարվեստական ֆիլմում, պատմիր ֆիլմի մասին: -Առաջարկը շատ անսպասելի էր ինձ համար: Սիրով ընդունեցի և մեծ պատրաստակամությամբ, հաճույքով մասնակցեցի նկարահանումներին:
-Երգում ես նաև «Թումո» կենտրոնում գործող «Թմբա-թա» խմբում, խոսիր խմբի մասին: -Խմբով տարբեր համերգներ ենք ունենում, խումբն ինձ հնարավորություն է տալիս ավելի մոտ լինել այս ասպարեզին: «Թմբա-թա» - ում երգում եմ մոտ 4 ամիս:
-Ունե՞ս սիրելի երգիչներ:
-Սիրում եմ Ջեսի Ջեին և Լուի Ամսթրոնգին:
-Ի՞նչ անելիքներ ունես ապագայում:
-Պատրաստվում եմ քավրներ ձայնագրել և մասնակցել երաժշտական մրցույթների:
