Նավթային մագնատ Ջոն Դևիսոն Ռոքֆելերը մարդկության պատմության մեջ առաջին դոլարային միլիարդատերն է։ 1870-ին նա հիմնել է Standard Oil ընկերությունը, որը զբաղվում էր նավթի արդյունահանմամբ ու մշակմամբ։ Ռոքֆելերը, բացի նավթային ընկերությունից, ուներ նաև երկաթուղային, պողպատաձուլական ձեռնարկություններ, նավեր, ռիելթորական ընկերություններ և բանկեր։
Գործարարը գիտեր փողի արժեքը դեռ մանկուց։ Նա իր բոլոր եկամուտները և ծախսերը գրանցում էր հատուկ տետրում, որը պահում էր ամբողջ կյանքում։ Հարուստ մարդ դառնալուն նրան օգնել են աշխատասիրությունը և նպատակասլացությունը՝ անկախ կյանքի դժվարություններից։
Ռոքֆելերը շատ խելացի մարդ էր, շատ էր կարդում և սիրում էր լսել իմաստուն մարդկանց, գրում է fishki.net-ը՝ ներկայացնելով նրա իմաստուն խոսքերը.
1. Պետք չէ վախենալ մեծ ծախսերից, պետք է վախենալ փոքր եկամուտներից։
2. Բիզնեսի վրա հիմնված ընկերությունն ավելի լավ է, քան ընկերության վրա հիմնված բիզնեսը։
3. Ձեր բարեկեցությունը կախված է ձեր սեփական որոշումներից։
4. Ով ամբողջ օրն աշխատում է, նա ժամանակ չունի գումար վաստակելու։
5. Ձեռք բերեք հեղինակություն, և այն կաշխատի ձեզ համար։
6. Հարստությունը կամ մեծ օրհնություն է, կամ անեծք։
7. Իմ կարողությունը չէր լինի, եթե չլինեին իմ կնոջ խորհուրդները։