Եվրախորհրդարանի պատգամավորներն Ադրբեջանին կոչ են արել մինչև Եվրոպական խաղերի մեկնարկն ազատ արձակել բոլոր քաղբանտարկյալներին: Այս մասին հայտնում է contact.az-ը՝ հղում անելով Ստրասբուրգի աղբյուրներին:
Եվրախորհրդարանի նախագահ Ալեքսանդր Գրաֆ Լամբսդորֆը հայտարարել է, որ Ադրբեջանի իշխանությունները պետք է ապահովեն իրենց երկրի քաղաքացիների իրավունքներն ու ազատությունները, որոնք նախատեսված են Մարդու իրավունքների եվրոպական կոնվենցիայով և ՄԱԿ-ի Մարդու իրավունքների հարցերով հռչակագրով:
Եվրախորհրդարանը պատրաստվում է այս տարվա հունիսին հերթական նստաշրջանի ընթացքում բանաձև ընդունել Ադրբեջանում մարդու իրավունքների հետ կապված իրավիճակի մասին: Մինչ այդ եվրապատգամավորները պահանջում են ազատ արձակել քաղբանտարկյալների ցուցակներում ընդգրկված լրագրողներին, իրավապաշտպաններին և քաղաքական ակտիվիստներին:
