Մայիսի 18 –ին Վանաձորի պատկերասրահում նշվեց արվեստագետ Անատոլի Ավետյանի 60-ամյակն ու ցուցահանդեսի բացումը : Բացմանը ներկա էին մի շարք պաշտոնյաներ : Բացման արարողության ժամանակ Անատոլի Ավետյանը պարգևատրվեց Լոռու մարզպետ Արթուր Նալբանդյանի կողմից : Ճանաչված արվեստագետի ստեղծագործական նկարագիրը պարզելու ամեն մի փորձ տեղիք է տվել տեսական լուրջ հետևությունների :Պատճառը , անշուշտ նրա արվեստի ինքնատիպ կերպարն ու բնույթն է , որը ներառում է կերպավորման տարբեր միջոցներ և նյութեր ` դրվագում , մետաղի գեղարվեստական մշակում, գունանկարչություն, տարբեր նյութերի համադրությամբ ստեղծված հարթապատկերային և ծավալային տարաբնույթ հորինվածքներ , որոնք տեղ են գտել աշխարհի տարբեր թանգարաններում ու մասնավոր հավաքածուներում: Անատոլի Ավետյանի աշխատանքները պահպանվում են ` Հայաստանի ազգային պատկերասրահում , ՀՀ մշակույթի նախարարությունում , Բոստոնի <<ԱԼՄԱ >> թանգարանում , ՀՀ նախագահական պալատում , Մայր Աթոռ Սուրբ Էջմիածնի թանգարանում , Փարիզի քաղաքապետարանում, Վատիկանում , Հռոմի Պապի հավաածուում, ինչպես նաև ԱՄՆ-ի, ՌԴ-ի Ֆրանսիայի նախագահների սեփական հավաքածուներում :
