Հարգելի գործընկերներ,
Պատմություն է դառնում ևս մեկ տարի, որը մեզ համար հաջող էր ու բերքառատ: Այն Ձեր լարված, քրտնաջան ու արարող աշխատանքի և իշխանությունների շարունակական ուշադրության ու աջակցության արդյունքն էր: Գերազանցվեցին նախորդ տարվա բոլոր ցուցանիշները: Լուրջ քայլեր կատարվեցին երկրի պարենային անվտանգության ապահովման ուղղությամբ:
Այդ ամենն ամուր հիմք դարձան հաջորդ` 2013 թվականն ավելի մեծ լավատեսությամբ ու վճռականությամբ մուտք գործելու, մեր հողն ավելի բարեբեր, մեր աշխատանքն ավելի հատուցվող, մեր կյանքն ավելի ապահով դարձնելու համար:
Եվ այսօր, Ձեր վաստակի հանդեպ մեծագույն հարգանքով, ես ի սրտե շնորհավորում եմ Ձեր Ամանորն ու Սուրբ Ծնունդը: Նոր` 2013 թվականը թող բախի ձեր դռները քաջառողջության, խաղաղության, հայրենի հողի նկատմամբ զորացող ու զորացնող հավատի իրական մաղթանքներով: Թող գալիք յուրաքանչյուր օրը բարի ու լուսավոր անականկալ բերի Ձեզ:
Աստված մեզ պահապան:
Սերգո Կարապետյան
ՀՀ գյուղատնտեսության նախարար
