Մինչ ողջ ազգը հետաքրքրությամբ և ուշադրությամբ հետևում է Արմենիա հեռուստաընկերության կազմակերպած «Հայաստանի ձայնը» նախագծի բուռն զարգացման ընթացքին, էկրանից այն կողմ տեղի են ունենում անարդարություններ: Ըստ դերասանուհի Լիլի Էլբակյանի իր ֆեյսբուքյան էջի գրառման, նախագծին մասնակցող և արդեն հաջորդ փուլում ներկայանալու հնարավորություն ստացած մասնակիցներից մի քանիսին մրցույթային փուլի հաջորդ օրը կանչել են հեռուստաընկերություն, չեղյալ համարել արդեն իսկ հաջորդ փուլ անցնելու փաստն ու հանձնարարել երգել բոլորովին այլ երգեր: Լիլիի խոսքերով այդ նախագծին մասնակցում է նաև իր քույրը, ով նույնպես հայտնվել է «զոհերի» ցուցակում: