Կիևում բնակվող հայերի գլխավորությամբ պատրաստել են ամենաերկար խորովածը ոչ միայն ամբողջ Ուկրաինայում, այլև ամբողջ աշխարհում:
Մանղալի երկարությունը կազմել է 161, 9 մետր, իսկ խորովածը ստացվել է 150, 6 մետր:
Նոր ռեկորդին մասնակցել են 150 մարդ: 10 հոգի միայն խորովում էին, 70 հոգի պատրաստում էին միսը, իսկ մնացած 60-ը հյուրասիրում էին հյուրերին:
Ռեկորդը գրանցվել է Ուկրաինայի ռեկորդների ցանկում: Նոր ռեկորդի համար օգտագործվել է 200 կգ միս, իսկ մանղալի պատրաստման համար մեր հայրենակից Արա Խաչատրյանը ծախսել է մեկ ամիս ժամանակ: