Հայաստանում առաջին fashion show-ն կազմակերպվել էր
Անի Ավդալյանի և
Արևիկ Սիմոնյանի նախաձեռնությամբ: Ոճաբան Անիի հետ ունեցած հարցազրույցում նա պատմեց շոուի մասին ամենայն մանրամասնությամբ:
2003 թվական: Արևիկը նոր էր վերադարձել Մոսկայից և այդ շրջանում Անին և Արևիկը չէինք կարողանում համակերպվել նորաձևության աշխարհում տիրող մոխրագույն երանգների հետ: Նրանք միշտ կերպարային «կրեատիվ» մտքեր էինք արտահայտում, որոնք մարդկանց համար դեռ անհասկանալի էին, և նրանք երբեմն հիշելով համաձայնում են, որ դա ուղղակի այդ ժամանակաշրջանում բավականին տարօրինակ մտքի արտահայտում էր: Այդ ժամանակ Անին և Արևիկը 17 տարեկան էին, և նորաձևության շոու կազմակերպելը նրանց համատեղ միտքն էր: Նման բան կազմակերպելու համար անհրաժեշտ էին հովանավորներ, նրանք դիմեցինք որոշ տեղեր և արձագանք չստացան, երևի տարիքն էր պատճառը, բայց ինչևիցե գտնվեցին անհատներ ովքեր կարողացան հնարավորության չափով օգնել նրանց:
2003 թվականի փետրվարի 29ին Արարատ հյուրանոցի ձմեռային այգում այն տեղի ունեցավ, իսկ տեղի հարցում նրանց օգնեց Սուսաննա Հայրապետյանը: Անին նշեց, որ այդ ժամանակ հայկական նորաձևությանը վերաբերվող ամսագրեր չկային և ներկա լրագրողները միայն հեռուստատեսությունից և թերթերից էին, իսկ համացանցի մասին խոսք լինել չէր կարող: Նրանց համար ցուցադրության ամենամեծ աջակիցները հյուրերն էին, որոնք իրենց ներկայությամբ մեծ ոգևորություն ներշնչելով նրանց հասցրին մինչև իրենց այսօրվա հաջողությունը: Ոճաբանը հավելեց, որ միջոցառմանը ներկա էին շոու բիզնեսի ներկայացուցիչներ, ինչպես նաև ներկաիս Առաջին տիկին Ռիտա Սարգսյանը, որը ողջունեց և ոգևորեց նրանց այդ նախաձեռնության համար, և Առաջին տիկնոջը նրանք մինչ այսօր շնորհակալ են աջակցության համար: Ողջունեցին նաև տինին Օսկանյանը, Արմինե Դարբինյանը և շատ այլ պաշտոնյաների կանայք, և մեծ վստահություն ներշնչեցին երկու 17 տարեկան պատանիների գունավոր նախաձեռնությունը: Այն, որպես fashion show առաջինն ու ամենագունավորն էր Հայաստանում, և դրա մասին վկայում էին ներկաները:
Շնորհակալություն ոճաբան Անի Ավդալյանին անցյալ վերադառնալու և այս ամենը մեզ պատմելու համար: Ցանկանում ենք ձեզ նորանոր հաջողություններ: Դուք ինչպես այն ժամանակ էիք առաջինը, այնպես էլ հիմա ամեն մեկդ ձեր գործում լավագույնն եք, իսկ առհասարակ լավագույնները մրցակցությունից դուրս են...
Հեղինակ Հասմիկ Չաթայլան
