Статьи

Նախօրեին ինչպես ողջ Հանրապետությունում, այնպես էլ Աբովյանում մեծ իրարանցում էր Վարդավառի տոնի կապակցությամբ:
     Համաքաղաքացիներին իր նվերն էր մատուցել նաև Աբովյանի համայնքապետարանը` ամփոփելով հետաքրքիր ու զվարճալի օրը երեկոյան կազմակերպված համերգային միջոցառմամբ: Վերջինս անցկացվեց Աբովյանի շախմատի դպրոցի մերձակա պուրակում` գրավելով ինչպես անցորդների, այնպես էլ ուրախանալու տրամադրությամբ համերգին միացած աբովյանցիների ուշադրությունը:
     Համերգային երեկոն աչքի ընկավ ինչպես անհատ ստեղծագործողների հեղինակային աշխատանքների, այնպես էլ ունկնդիրների համար արդեն վաղուց սիրված երգերի կատարումներով: Մասնակիցները ձայնակցում էին երգիչներին, ինչպես նաև անմիջականորեն հանդես գալիս ազգային-հայրենասիրական պարային համարներով:
     Երեկոն կարելի է լիովին կայացած համարել` առաջիկա առիթի դեպքում կրկնելու ցանկությամբ: