Ահա, թե ինչ հաջողություններ ունեցավ Ադելը ընդամենը մեկ տարում: Համարձակ և տաղանդավոր այս երգչուհին իր հղիության մասին լուրը հայտարարեց այնքա՜ն էմոցիոնալ և նվիրումով...Համաձայնեք՝ նա իրոք երջանիկ աստղի տակ է ծնվել:
«Ես ուրախ եմ ձեզ հայտնել, որ ես ու Սայմոնը մեր առաջնեկին ենք սպասում: Կցանկանայի` իմանայիք այս նորության մասին: Մենք հիմա երջանկությունից յոթերորդ երկնքում ենք, բայց, խնդրում եմ, հարգեք մեր անձնական կյանքը», -լրատվամիջոցներին հայտնել է երգչուհին:
Ադելը նաև նշել է, որ ժամանակավորապես կհեռանա բեմից, որպեսզի զբաղվի անձնական կյանքով:
Երգչուհու երկրպագուներն ուրախացել են այս նորությունից, նրանցից ոմանք արդեն գրում են, որ նա շատ լավ մայր կլինի և հույս ունեն, որ հնարավորինս շուտ նոր կատարումներով երգչուհին կվերադառնա բեմ:
Անկեղծության և հույզերի մարմնացում այս կինն իսկապես հաջողակ է, նախկինում ունեցած անհաջողություններից հետո կարճ ժամանակում կարողացավ երաժշտության միջոցով հաղթահարել հիասթափությունները:
Եվ ահա առատ վարձատրություն...
Հիշեցնենք, որ այս տարի երգչուհին 12 մրցանակ էր ստացել Billboard Music Award-ում և 8 մրցանակ «Գրեմմիում»:
Հ. Գ. Ադելն ու ընկերը հանդիպում են անցյալ տարվա ամառվանից: Նրանք շատ երջանիկ են...
