Հոդվածներ

     Ակունք համայնքում պարբերաբար շաբաթօրյակներ են ընթանում: Հիմնականում մաքրվում և բարեկարգվում են գլխավոր ճանապարհներն ու համայնքային նշանակության օբեկտները: Ճանապարհների և հարակից տարածքների հիմնական աղտոտման պատճառը մեքենաների պատուհաններից վարորդների նետած աղբն է: Հատկապես մեծ «գլխացավանք» են առաջացնում պլաստիկե իրերը և պոլիէթիլենային տոպրակները, որոնք տասնյակ տարիների ընթացքում չեն քայքայվում ու լուրջ էկոլոգիական վնաս են հասցնում շրջակա միջավայրին: Ակունքի համայնքապետարանը հորդորում է բնակիչներին, համայնքի այցելուներին և առհասարակ բոլորին, աղբ չթափե՛լ ճանապարհներին ու բնության մեջ: Եկե՛ք միասին մաքուր Հայաստան փոխանցենք մեր երեխաներին: