Հոդվածներ

     Էլ ոչ մի մայր թո՛ղ չարտասվի՝
     Ստանալով բոթը որդու,
     Ոչ մի զավակ ու ոչ մի կին
     Չորբանա, չայրիանա...
     Ոչ մի զինվոր կյանքի գնով,
     Թող որ հերոս էլ չդառնա:
     Առանց այդ էլ մի բուռ հայը
     Շատ հերոս է արդեն ծնել,
     Ժամանակն է գիտնականներ
     ՈՒ, պարզապես, ԼԱՎ ՀԱՅ ծնվեն ...
     Արմե՛ն, Ադա՛մ, Քյարի՛մ, Ռոբե՛րտ ...
     Հերոս տղե՛րք, քաջ ու անվախ,
     Թուրքի վախը լավ եք չափել,
     Ննջե՛ք հանգիստ, մենք մեր հողը
     Ոչ մի գնով թուրքին չենք տա,
     Այնտեղ արյունն է ձեր թափվել,
     Ձեր արյունը՝ հերոս տղե՛րք...
     Ննջե՛ք հանգիստ, եղե՛ք վստահ,
     Որ ձեր մահը զուր չի եղել
     Նոր սերնդի համար այսօր
     Օրինակ եք դարձել, տղե՛րք...
     Աղջիկ-տղա զենք կբռնեն,
     Կռիվ կտան ու կմեռնեն,
     Բայց ձեր արյամբ ներկված հողը
     Թուրք ոսոխին չեն տա, ԵՐԲԵՔ...