Եվս մեկ անգամ հիշեցնում ենք, որ ծնողական խորհուրդների արձանագրությունները պետք է եռօրյա ժամկետում տեղադրվեն դպրոցի կայքէջում, որի նպատակը` Ձեր իսկ աշխատանքի թափանցիկության բարձրացումն է:
Օրեցօր, ծնողների շրջանում դրամահավաքության հետ կապված դժգոհությունները շատանում են: Ի դեպ, այստեղ շատ մեծ է ծնողական խորհուրդների մեղքի բաժինը, որոնք կարծես ձևավորվել են միայն փող հավաքելու նպատակով:
Այո, ցանկացած դրամահավաքություն պետք է իրականացվի միմիայն ծնողական խորհրդի համաձայնությամբ և նախաձեռնությամբ, իսկ կազմված արձանագրությունը պետք է տեղադրվի կայքէջում:
Կայքէջերի մի մասում ընդհանրապես բացակայում են արձանագրությունները, թեև բոլոր դպրոցներում գրավոր արձանագրություններն առկա են:
- Ինչու՞ չի հանրայնացվում հատկապես դրամահավաքությանն առնչվող արձանագրությունները:
Այս հարցի պատասխանն առավել լավ կտան ծնողները:
Դպրոցում վճարովի որևէ ծառայություն /ֆիլմի ցուցադրում, թատերական ներկայացում և այլն/ խրախուսելի չէ, առավել ևս քաղաքային դպրոցների դեպքում, որտեղ կան համայնքային դահլիճներ և թատրոններ:
Միթե ավելի լավ չէ թատրոնը` թատրոնի բեմում, չէ որ այս կերպ աշակերտի մոտ սերմանվում է նաև թատրոն հաճախելու մշակույթը…:
Կոտայքի մարզպետ Կ. Գուլոյանի մոտեցումն այսպիսին է. ցանկացած մշակութային և կրթական կառույցի համար դպրոցը բաց է, համեցեք, սակայն ԱՆՎՃԱՐ:
Արձագանքը լինելու է կոշտ…
Կոտայք Կրթություն Մշակույթ