Չնայած հայաստանյան ներքաղաքական զարգացումների դիվերսիֆիկացված լինելուն, օրակարգային ամենաառաջնային թեման շարունակում է մնալ ապրիլի 5-ի հանրաքվեն: Եվ որքան էլ իշխանական խոսնակները շարունակում են իրար հերթ չտալով պնդել, թե այդ առումով իշխանությունները ոչ մի խնդիր չունեն, սակայն հավաստի տեղեկություններ կան, որ ներքին հարցումների և առհասարակ հանրության՝ այս առնչությամբ տոտալ անուշադրության արդյունքում, բավականին լուրջ մտավախություններ են ի հայտ եկել: Մասնավորապես հանրաքվեն ձախողելու իշխանականների համար սարսափազդու, բայց և միևնույն ժամանակ իրատեսական հեռանկարից խուսափելու համար, ՔՊ ամենավերին էշելոններում խորքային քննարկումներ են ընթանում՝ այն ինչ-որ կերպ չեղարկելը արդարացնող պատճառաբանություն գտնելու համար: Իշխանական էլիտան քաջ գիտակցում է, որ հեղափոխական էյֆորիայի բացակայությունը մի շարք խնդիրներ է վերհանել և այստեղ արդեն դեմագոգիան կամ պոպուլիստական հայտարարություններն այլևս հանրությանը ուղորդելու համար սպառված գործիքակազմ է:
Ի դեպ այս հանգամանքի և մտավախությունների մասին անգամ իշխանության գործադիր և օրենսդիր ներկայացուցիչների գերակշիռ մասը տեղյակ չէ: Մնում է համբերատար սպասենք և տեսնենք, թե ի վերջո ինչ «կռուտիտ» են մտածելու իշխանականներն իրենց փորած փոսում չհայտնվելու համար, որովհետև սա ՔՊ-ի հերթական թեստն է, որից նրանց պատվով դուրս գալու շանսերը փոքր են:
Հ.Գ. Հա չնայած կորոնավիրուսն ամբողջ աշխարհն է տագնապալի իրավիճակում պահում, սակայն ՀՀ իշխանությունների համար այն այս պարագայում կարող է շատ լավ պատրվակ հանդիսանալ, որպեսզի հանրաքվեն չեղարկեն...
