Ձեր Պատգամավորը Տիգրան Ուրիխանյանն է:
21:48, cuma, 31 mart, 2017
Մոտեցավ ավարտին Ազգային Ժողովի 5-րդ գումարման նստաշրջանը: Պատգամավորների մեծ մասը ավարտեցին իրենց աշխատանքները և այժմ հաշվարկում են իրենց ֆինանսական օգութը պատգամավորական գործունեությունից, ավելացված ավտոմեքենաների քանակը, բնակելի քառակուսի մեկերեսը Երևան քաղաքում, ինչպես նաև նոր առանձնատների քանակը: Մարդկանց այդ տեսակը մտածում է միայն սեփական հարստացման մասին, թալանելով սեփական ժողովրդին և մեր երկրի հարստությունները: Հենց այդ նույն ժամանակ Ազգային Ժողովի շենքում իր աշխատասենյակում և հանձնաժողովներում աշխատում էր նաև ԱԺ պատգամավոր Տիգրան Ուրիխանյանը, ում համար գործում են այլ արժեքներ: Նա իր կյանքը նվիրել է մեր բազմաչարչար ժողովրդին՝ կագնելով իր կողքին և կիսելով նրա դարդն ու ցավը: Աշխատել է միայն ՀՀ քաղաքացու համար, միայն Հայաստանի Հանրապետության համար և միշտ հպարտանում էր փոքր և մեծ հաղթանակներով միջազգային հարթակներում՝ բարձր պահելով Հայաստանի Հանրապետության համբավը: Այս տարիների ընթացքում բոլոր հնարավոր և անհնարին հարթակներից բարձրաձայնել է երկրում տիրող անմխիթար երևույթները սոցիալական, մշակութային, առողջապահական, տնտեսական ոլորտներում և իր պատրաստակամությունն է հայտնել մասնակցելու այդ խնդիրների լուծման աշխատանքներին: Այսօր բացի հետ նայելուց Տիգրան Ուրիխանյանը զբաղված է հետագա ծրագրերի, նոր օրենքների մշակմամբ և կրկին ու կրկին իր ժողովրդի դարդերին ու ցավերին դարման դառնալու պատրաստակամությամբ: Մեկ օրվա ընթացքում հնարավոր չէ փոխել այն, ինչ տասնյակ տարիներ քանդվել և պղծվել է պետական կառույցների ապաշնորհ կառավարիչների կողմից, հնարավոր չէ նաև թալանված պետական գույքը միանգամից ծառայեցնել ի օգուտ սեփական քաղաքացիների, բայց այդ ուղղությամբ արդեն սկսվել են լայնածավալ աշխատանքներ: Այսօր ամենակարևոր հարցն է Հայաստանի Հանրապետութլյան համար անցկացնել ազատ և արդար ընտրություններ և կյանքի կոչել "Ծառուկյան" դաշինքի ծրագրային 15 քայլերը, որոնք նոր շունչ կհաղորդեն մեր քաղաքացիներին, տնտեսավարող կառույցներին և իհարկե մեր պետությանը: Մեր ժողովուրդն արդեն տվել է իր դրական գնահատականը հետևյալ քայլերին, և այն պետք է ամրապնդել ապրիլի 2-ին կայանալիք ԱԺ ընտրություններում՝ միաձայն քվեարկելով "Ծառուկյան" դաշինքի օգտին: - Վերանայել 2017 թվականի պետական բյուջեի ծախսային մասը` դադարեցնելով անարդյունավետ բոլոր ծրագրերի հետագա ֆինանսավորումը: - Պետական բյուջեից կատարվող գնումների ոլորտում առաջնահերթությունը տալ տեղական արտադրողներին: - Բացառել օֆշորային գոտիներում գրանցված կազմակերպությունների մասնակցությունը պետական գնումների գործընթացին: - Վերացնել արագաչափերը և կարմիր գծերը: - Պետական կառավարման համակարգում վերացնել արտաբյուջետային ֆոնդերը: - Մինչև 2017 թվականի հոկտեմբերի 1-ը կիրառել համաներում: Արմատապես վերանայել հատուկ կարիքներ ունեցող անձանց (հաշմանդամների) նկատմամբ իրականացվող պետական քաղաքականությունը: - Ստեղծել կոռուպցիայի դեմ պայքարի նոր խորհուրդ և նախագահությունն օրենքով վերապահել ընդդիմությանը: - Ապահովել անկախ, անաչառ, թափանցիկ դատական համակարգ, որը կերաշխավորի մարդու արժանապատվությունը: - Դատական վճիռները կայացնել ժամանակին և օբյեկտիվ՝ բացառելով անհարկի ձգձգումները: - Սառեցնել հանրային դժգոհություններով ընդունված կուտակային կենսաթոշակային համակարգի գործունեությունը և դրան ուղղված պետական բյուջեի տարեկան 28-30 մլրդ ՀՀ դրամի հասնող գումարներով բարձրացնել կենսաթոշակները: Իսկ քաղաքացիների ներդրած գումարները վերադարձնել։ - Հանրապետությունից արտագաղթած և իրենց տները կորցրած մեր հայրենակիցներին, վերադառնալու դեպքում, անվճար տրամադրել հողատարածք՝ բնակելի տներ կառուցելու համար։ Անհրաժեշտության դեպքում տրամադրել նաև մատչելի վարկեր։ - Էապես իջեցնել գազի գործող սակագինը, քանի որ սահմանին 1000մ3 գազը ՀՀ-ն ստանում է 150 ԱՄՆ դոլարով, իսկ վերջնական սպառողին, այդ թվում՝ բնակչությանը, այն հասնում է առնվազն երկու անգամ բարձր գնով: - Կտրուկ իջեցնել էլեկտրաէներգիայի սակագինը, քանի որ մեր հանրապետությունում արտադրվող էլեկտրաէներգիայի շուրջ 60-65 %-ն արտադրում են հիդրոէլեկտրակայանները (ՀՀ-ում գործում է ավելի քան 200 ՀԷԿ) և ատոմային էլեկտրակայանը։ Ընդ որում՝ ՀԷԿ-երի արտադրած 1 կվտ/ժ էլեկտրաէներգիայի միջին ինքնարժեքը կազմում է 2-5 ՀՀ դրամ, իսկ ԱԷԿ-ինը՝ 5-7 ՀՀ դրամ: Հիշեցնենք, որ Տիգրան Ուրիխանյանն առաջադրված է "Ծառուկյան" դաշինքի կողմից թիվ 2 ընտրատարածքում, որն իր մեջ ներառում է Արաբկիր, Աջափնյակ և Դավթաշեն համայնքները: Հարգելի ընտրողներ՝ ընտրում ենք համար 4 քվեաթերթիկը ("Ծառուկյան" դաշինք) և քվեարկում ենք 11 համարի տակ գտնվող, բոլորիս կողմից սիրված պատգամավոր Տիգրան Ուրիխանյանի օգտին: Ունենալով հզոր աջակցություն իր թիմակիցների և դաշինքի կողմից, Ձեր Պատգամավորին այնուամենայնիվ անհրաժեշտ է քաղաքացիների աջակցությունը ընտրությունների օրը՝ իրենց ակտիվ մասնակցությամբ և հստակ դիրքորոշմամբ: Քվեարկելով Տիգրան Ուրիխանյանի օգտին, դուք մեծ հնարավորություն եք ստանում վաղվա բարեկեցիկ կյանքի համար: Ձեր պատգամավորը Տիգրան Ուրիխանյանն է:
|
Kaynak: FMG.NEWS
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Abone ol ve malalelerin yayınla:
Beğenmek
0
Beğenmemek
0
3799 | 0 | 0 | 0