Ընկերները նախապես համաձայնության գալով ԵՊՀ-ի մոտից աղջիկ են փախցրել: Կենտրոն եւ Նորք-Մարաշ վարչական շրջանների ընդհանուր իրավասության դատարանից ՄԱՄՈՒԼ.am-ը տեղեկացավ, որ սույն գործը քննվելու է իրենց մոտ:
Գործի նյութերի համաձայն` 21-ամյա Խաչիկ Դարբինյանը եւ 19-ամյա Ալեքսան Էլբակյանը, նախնական համաձայնության գալով 2012թ. դեկտեմբերի 6-ին, ժամը 15.30-ի սահմաններում, Երեւան քաղաքի Չարենցի փողոցում գործող ԵՊՀ մասնաշենքի մոտից ամուսնության նպատակով բռնություն գործադրելու միջոցով բացահայտ առեւանգել են Է. Ա-ին:
Քրեական գործ է հարուցվել 131 հոդվածի 2-րդ մասի 1-ին կետով: Խափանման միջոց ընտրվել է գրավը:
Գործը դատարան է ստացվել փետրվարի 27-ին: Առաջիկայում կնշանակվի դատական քննության օրը:
