Մախաչկալայի «Անժիի» կամերունցի հարձակվող Սամուել Էտո` Օ-ն դարձյալ հայտարարել է, որ իր կյանքի վտանգ է սպառնում Կամերունի ֆուտբոլի ֆեդերացիայի հետ կոնֆլիկտի պատճառով:
«Կամերունի ֆուտբոլի ֆեդերացիայում տեւական ժամանակ կարգ ու կանոն չկար: Ոչ ոք չգիտեր, թե ով ինչ է անում, ինչի համար է պատասխանատու: Ես որոշեցի զբաղվել դրանով: Ինձ անմիջապես մեղադրեցին ինչ-որ մեկի պատվերը կատարելու մեջ, թեեւ ես միայն մեկ նպատակ ունեի` կարգի բերել ֆեդերացիան եւ մարդկանց պատասխանատվության կոչ անել:
Ես իսկապես վտանգի մեջ եմ: Երբ դուք համակարգի դեմ եք գնում եւ գործի մեջ գումար կա` դժվար է լավ վերաբերմունք սպասել: Բայց ֆուտբոլը բոլորինն է: Մի խմբի անձնական շահերը պետք է չզրկի ժողովրդին ուրախությունից: Եթե ես մահանամ` նշանակում է այդպես է որոշել աստված», - Էտո` Օ-ի խոսքը մեջբերում է Camfoot-ը:
Ավելի վաղ Էտո` Օ-ն հայտարարել է, որ վարձել է թիկնապահների: Նրանք հերթապահում են նաեւ գիշերը: