2015 թվականի վերջին ամիսներին Էդգար Գևորգյանը պատրաստում էր իր թվով 4-րդ տեսահոլովակը, որը շուտով կհանձնի հանդիսատեսի դատին: Այս անգամ ևս երգիչն անդրադարձել է ժողովրդական երգարվեստին: Տեսահոլովակը նկարահանվել է Գուսան Հայկազունու «Լուսաշող կարոտ» ստեղծագործության հիման վրա, իսկ ռեժիսորն է` Նարինե Սահակյանը: Աշխատանքը մեծապես տարբերվում է մերօրյա միապաղաղ ու նույնօրինակ ստեղծագործություններից:
Գեղեցիկ ու գրագետ կատարում և ռեժիսորական հետաքրքիր ու ինքնատիպ լուծումներ: Այս ամենի ականատեսը կդառնաք նաև դուք, քանի որ մոտակա օրերին տեսահոլովակը կլինի եթերներում և Էդգար Գևորգյանի Յութուբյան պաշտոնական էջում:
Նյութը` Հասմիկ ՄԿՐՏՉՅԱՆԻ
Լուսանկարները` Արման ԿԱՐԱՊԵՏՅԱՆԻ
