Makaleler

     Բաց գրքի նման բաց եղա քո դեմ,
     Ու ես ցանկացա, որ ինձ ընթերցես
     Անգիր ասելու, ասմունքելու պես...
     Դու մանկան նման թոթվեցիր լեզուդ,
     Ու ես ցանկացա քեզ սեղմել գրկիս,
     Ինչպես որ մայրն է գրկում մանկանը:
     ...Դու գրիչն առած ձեռքումդ անմեղ
     Գծեր քաշեցիր էջերին գրքիս,
     Ինչպես մանուկն է խզմզում անհոգ
     Ձեռքի տակ ընկած թղթերի վրա:
     ...Բայց ո'վ է հապա բարկանում
     Անմեղ փոքրիկի վրա.
     Ու դու փակեցիր գիրքս հապշտապ,
     Որ խզմզածդ էջերը աչքիս չերևան...
     ...Դու չջանացիր կարդալ սովորես,
     Իսկ ես ցանկացա, որ ինձ ընթերցես
     Անգիր ասելու, ասմունքելու պես...