Միացյալ Երիտասարդական Լիգա երիտասարդական նախաձեռնությունն ամիսներ շարունակ պայքարում է Հայաստանի հոգևոր դաշտում տիրող բարձիթողի վիճակի բարելավման համար: Ի կատարումն դրա, ապրիլ ամսից սկսվել է ստորագրահավաք, որն ապացույցն է եղել այն բանի, որ Հայաստանում օրեցօր ավելացող քայքայիչ աղանդները վտանգ են հայ հասարակության և Հայ Առաքելական Եկեղեցու համար: Միացյալ Երիտասարդական Լիգան մոտ 10 հազարի հասնող ստորագրությունները ներկայացրեց կառավարությանը, լիահույս լինելով, որ այս անգամ դրական արձագանքներ կլինեն: Սակայն ինչպես սպասվում էր, պատասխանը բացասական էր: Ստացած պատասխանում նշվում է, որ կա փոփոխությունների նախագիծ, բայց թե դա ե՞րբ կյանքի կկոչվի, դա շարունակում է հարց մնալ: Միացյալ Երիտասարդական Լիգան մշտապես բարձրացնելու է այս հարցը, մինչև այն չգտի իր արդարացի լուծումը:
