Գիտելիքն է այն հիմնաքարը, որ կյանքի քառուղիներում դառնում է հզոր զենք` դիմակայելու, հաստատվելու, հարատևելու և մուտք գործելու իմացության հեքիաթային բավիղները տանող հրաշք դռնով, որից այն կողմ թևածում են տիեզերքին ձուլված մեծագույն իմաստունների ոգիները:
Շնոհավորում ենք բոլոր հայ ուսուցիչներին ովքեր բոլոր ժամանակներում կատարել են նոր սերնդի կրթության ու դաստիարակության պատասխանատու գործը և այսօր էլ մեծ նվիրումով են կատարում այդ առաքելությունը, որի համար արժանի են անկեղծ խոնարհումի:
Աշակերտներն էլ իրենց սրտի խոսքով, երգով ու պարով շնորհավորեցին ներկաներին:
ՈՒսուցչի կոչման, մանկավարժի առաքելության, հայ դպրոցի դերի մասին խոսեց և ներկաներին շնորհավորեց դպրոցի տնօրեն Ն. Թադևոսյանը:
Աշակերտների և մանկավարժների մուտքը դպրոց օրհնեց և Աստծո խոսքը տարածեց հոգևոր հովիվ տեր Եզնիկ քահանան:
Վերջում ծածանվեց հայկական եռագույնը և ի նշան խաղաղության` երկինք ճախրեցին ճերմակ աղավնիները: