Արտահերթ ընտրություններից սարսափող որոշ շրջանակներ, կարծես թե սկսել են նախընտրական շրջանում կեղտոտ խաղեր խաղալ և փորձում են իրենց մանկլավիկների միջոցով հանրության շրջանում ապատեղեկատվություն տարածելով ինչ-որ տրամադրություններ փոխել:
Երեկ պարզ դարձավ, որ Նաիրա Զոհրաբյանը առաջիկա ընտրություններում ԲՀԿ ցուցակում չի ընդգրկվելու և դրանից հետո, վերոնշյալ շրջանակները սկսեցին իրենց երևակայությանը զոռ տալ ու ստահոդ հայտարարությունները տարածել, թե իբր Նաիրա Զոհրաբյանը ցուցակում չի ընդգրկվել ինչ որ մեկի պահանջով: Պարզից էլ պարզ է, որ այս ամենը ուղղակի ցնդած երևակայության արդյունք է և իրականության հետ որևիցէ աղերս չունի: Քանզի միմիայն գլխի հետ խնդիրներ ունեցողները չեն հասկանա, որ Նաիրա Զոհրաբյանի վերջին շրջանում ցուցաբերած դրսևորումները ոչ մի կերպ չէր համապատասխանում ԲՀԿ-ի հետ և ցուցակից դուրս մնալու պատճառը միմիայն դա է:
Հավանաբար կհիշեք ամիսներ առաջ Զոհրաբյան Նաիրայի և սփյուռքահայ կնոջ միջև տեղի ունեցած միջադեպը, որի ժամանակ «պատգամավորը» այդ կնոջը անվանել էր «լափամանից օգտվող», իսկ մեկ ուրիշ դեպքում ժողովրդին անվանել էր «ժեխ» և դեռ այսքանից հետո որոշ շրջանակներ փորձում են այլ երանգնե՞ր հաղորդեն Նաիրա Զոհրաբյանի ցուցակում չընդգրկվելուն: Կարծում եմ այդքանը լրիվ բավական է, որպեսզի ԲՀԿ-ում այդպիսի որոշում կայացնեին և ինչ խոսք դա գովելի է, որ կուսակցությունում հաշվի են առնում հանրության գերակշռող մասի կարծիքը:
Իսկ նենգ շրջանակներին խորհուրդ կտամ զերծ մնալ նմանօրինակ անհեթեթ քննարկումներից և չփորձել մութ սենյակում սև կատու փնտրել, քանզի շատ հնարավոր է, որ իրենց կուսակցություններում ոմանց պահանջներով են որոշումներ կայացվում, սակայն պետք չէ բոլորին իրենց արշինով չափեն:
