Ռեֆորմիստների կուսակցության նախագահ Վահան Բաբայանն իր ֆեյսբուքյան էջում գրում է. «Եվ չմոռանանք ամենակարևորը
Արտակարգ դրության ավարտից հետո իշխանություններին սպասվում է նոր քաղաքական «երկրաշարժ»: Բողոքի սպասվող ակցիաների, մարդկանց դժգոհության ալիքի, հանրահավաքներից բացի տեղի է ունենալու շատ կարևոր քաղաքական իրադարձություն:
Ասուլիսով հանդես է գալու ՀՀ 3-րդ Նախագահ Սերժ Սարգսյանը, քանի որ ապրիլյան հանձնաժողովի նիստից հետո Նախագահը հայտարարել էր սպասվող ասուլիսի և իր կողմից լրագրողներին հուզող հարցերին պատասխանելու մասին:
Սերժ Սարգսյանի ասուլիսը իրոք կարող է լինել այն քաղաքական «երկրաշարժը», որի «փլատակների» տակ շատերը կարող են հայտնվել, դա է նաև պատճառը, որ իշխանությունները դեռ երկար են պատրաստվում այս սահմանափակումների ռեժիմը պահպանել և ինչը շատ զավեշտալի է արտակարգ դրությունը պահել առանց արտակարգ միջոցառումների»: