Идет загрузка...
Сегодня:  Четверг, 18 Апреля, 2024 года

Статьи

ԱրՊՀ ուսանողները մասնակցել են Erasmus+ նախագծի կողմից կազմակերպած GoPlay ծրագրին

12:31, Понедельник, 22 Апреля, 2019 года
ԱրՊՀ ուսանողները մասնակցել են Erasmus+ նախագծի կողմից կազմակերպած GoPlay ծրագրին

ԱրՊՀ բանասիրական ֆակուլտետի թարգմանչական գործ 2-րդ կուրսի ուսանող Վիտալի Պետրոսյանը, անգլերեն լեզու և գրականություն 2-րդ կուրսի ուսանողներ Աննա Մուսայելյանը և Հասմիկ Հակոբյանը մասնակցել են ՀՀ Ծաղկաձոր քաղաքում Erasmus+ նախագծի կողմից կազմակերպած GoPlay ծրագրին: Ծրագրին մասնակցում էին նաև Հայաստանի, Ռուսաստանի, Բելառուսի, Հունգարիայի, Ուկրաինայի, Լեհաստանի, Վրաստանի, Հունաստանի թիմերը: Ութ օրերի ընթացքում ուսանողները հասցրել են ձեռք բերել նորանոր գիտելիքներ, ընկերանալ օտարերկրյա բուհերում սովորող ուսանողների հետ, ծանոթանալ նրանց մշակույթին և այլն:

Ծրագրի շրջանակում նախատեսված դասընթացները միտված էին ուսանողների մեջ մասնագիտական որակներ ու հմտություններ ձևավորել` խաղերի ստեղծման և թրեյնինգներ վարելու համար:
    

«Խնդիր դրվեց, ըստ որի բոլոր մասնակիցները պետք է խաղ ստեղծեն, քանի որ ծրագիրը հենց խաղերի վերաբերյալ էր: Ստեղծեցինք մեր սեփական խաղերը: Հիմա մեր խմբով ունենք մեր խաղը: Այն նախատեսված է 5-ից 8 տարեկան երեխաների համար, ուսուցողական խաղ է, մեկ ամիս հետո արդեն կունենանք խաղի` վաճառքի համար նախատեսված օրինակները», -ասում է թարգմանչական գործ 2-րդ կուրսի ուսանող Վիտալի Պետրոսյանը:

Ծրագրի շրջանակում կազմակերպվել են մրցույթներ, դասախոսություններ` խաղերի պատմության և ստեղծման մասին, ֆիլմերի դիտում: Մասնակիցների հաղորդակցման լեզուն անգլերենն էր:

Վերջում մասնակից ուսանողներին շնորհվել են հավաստագրեր, և, Վ. Պետրոսյանի խոսքով, առաջիկայում ծրագրին մասնակցած ԱրՊՀ ուսանողները պատրաստվում են դասընթացներ կազմակերպել նաև Արցախի Հանրապետությունում:

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
2299 | 0 | 0
Facebook