«Զատիկ» մանկատան շրջանավարտները ՀՀ կառավարության շենքի դիմաց սեպտեմբերի 12-ից հացադուլ էին հայտարարել՝ իրենց հասանելիք տները ստանալու պահանջով, որը տևել է 7 օր։ մանկատան սաները հայտարարում են, որ ավելի ուշ իրենց մոտեցել է Աշխատանքի և սոցիալական հարցերի նախարարի առաջին տեղակալ՝ Արսեն Մանուկյանը: Նրա հետ զրուցելուց հետո 6 տղաները որոշել են դադարեցնել հացադուլը, քանի որ նա խոստացել է լուծել խնդիրը։
«Զատիկ» մանկատան նախկին սաները դադարեցրել են հացադուլը և շուրջօրյա նստացույց սկսել ՀՀ կառավարության շենքի դիմաց։ Armdaily.am-ի հետ զրույցում մանկատան նախկին սան Գևորգ Հարությունյանը նշեց, որ միևնույնն է գնալու տեղ չունեն։ «Կսառենք, բայց այստեղից տեղ չենք գնա։ Մեզ ասում են՝ աշխատեք ու տուն առեք։ Այսօր աշխատելով հաց չեն կարողանում առնել, ուր մնաց թե տուն։ Հեղափոխության օրերին կանգնեցինք Նիկոլի կողքին, բայց ինքը մեզ չի էլ նկատում», -մանրամասնեց Գևորգ Հարությունյանը։
Մանկատան նախկին սաները հուսահատ են, բայց հավաստում են, որ շարունակելու են սկսած ակցիան։
Paradox Media
