Այսօր երևանյան դպրոցներում հնչեց դպրոցական «Վերջին զանգը»: Դավթաշեն վարչական շրջանի ղեկավար Ռուսլան Բաղդասարյանն այցելեց Աշոտ Մանուկյանի անվան թիվ 93 և Սամվել Գևորգյանի անվան թիվ 189 դպրոցներ՝ շնորհավորելու և բարի երթ մաղթելու շրջանավարտներին: Իր խոսքում վարչական շրջանի ղեկավարը նշեց, որ այսուհետ աշակերտները թևակոխում են կյանքի մի նոր՝ ավելի հասուն փուլ: Նա հորդորեց լինել վստահ, չընկճվել դժվարությունների առջև, չվախենալ երազել և հույս հայտնեց, որ շրջանավարտներից յուրաքանչյուրը կգտնի իր ճանապարհը, որը երջանկություն և հաճույք կպարգևի իրենց և օգտակար կլինի շրջապատող մարդկանց համար: Ռուսլան Բաղդասարյանը նաև հատուկ շնորհակալություն հայտնեց մանկավարժներից իրենց անձնազոհ աշխատանքի համար: