Ես ընդհանրապես դեմ եմ… Եթե հույզերից դուրս գանք եւ պրակտիկ նայենք` փաստորեն նոր հարկատեսակ է մտցվում, որը գնալու է արտաբյուջե, լինելու է հիմնադրամ, որից հետո ի՞նչ են անելու` այնքան էլ հասկանալի չէ: Հասկանալի է, թե ինչ է գրված, բայց մեզ մոտ փորձը ցույց է տալիս, որ այն, ինչ է գրված է, բայց հետո ինչ են անում այդ փողերը, շատ դեպքերում չի համընկնում: Եթե դա կամավոր լիներ, մի քիչ այլ տեսքով` այլ բան էր… Հասկանում ենք` պատերազմական իրավիճակ է, ամեն ինչ ճակատի համար, եկեք այդ հարկը մտցնենք, բայց ուրիշ տեղ նվազեցնենք: Սա հարկ է կոչվում, գոնե այդ դեպքում բերեք գույքահարկը իջեցնենք ինչ-որ չափով, այսինքն` ինչ-որ բաներ դրա տեղը անենք: Եթե որոշումն այն է, որ պետք է բանակին օգնենք, ինչո՞ւ մինչև այդ չեն օգնել, ով ինչքան կարողացել` օգնել է:
