-Պակիստանը մահապատժի է ենթարկել մի մարդու, ով մեղավոր է ճանաչվել Պունջաբ նահանգի նահանգապետի սպանության մեջ, -հայտնել է ոստիկանությունը:
Ոստիկանության լիազոր ներկայացուցիչը հայտնել է, որ Մումտազ Քադրիին կախաղան են բարձրացրել երկուշաբթի առավոտյան Ռավալփինդիի բանտում:
Քադրին մեղավոր է ճանաչվել 2011 թվականի հունվարին Պունջաբի նահանգապետ Սալման Տասերին կրակելու և սպանելու համար:
Հազարավոր մարդիկ, որոնք պաշտպանում են մահապատժի ենթարկվածներին, նրա մահվան լուրը լսելուց հետո դուրս են եկել քաղաքի փողոցներ, և անվտանգության ուժերը բարձր զգոնությամբ են աշխատում երեքշաբթի օրը կայալիք նրա հուղարկավորության համար, քանի որ ենթադրվում է, որ մեծ թվով թաղման մասնակիցներ են լինելու:
Սպանվել է աստվածահայհոյության օրենքներին ընդդիմանալու համար
Քադրին նահանգապետի թիկնապահն էր և հավանաբար սպանել է նրան, քանի որ նա դեմ էր արտահայտվել երկրի վիճելի աստվածահայհոյության օրենքներին: Օրենքը մահվան է դատապարտում իսլամը վիրավորողին:
2010 թվականին, իր մահից երկու ամիս առաջ նա CNN-ին հայտնեց, որ չի ցանկանում չեղյալ համարել օրենքը:
Ավելի շուտ Տասերը ասել է, որ ցանկանում է օրենքը այնպես փոփոխվի, որ եթե վիրավորեն որևէ մարգարեի, անկախ նրանից, թե ով է նա, այն մահապատժով պատժելի չլինի:
Նահանգապետի մահից մեկ օր հետո Քադրին ներկայացել է դատարան և պաշտպանները հերոսին վայել ողջույններով են նրան դիմավորել: Նրանք անգամ վարդի թերթիկներ են շաղ տվել և ծաղկեպսակ են կախել նրա պարանոցին:
Համաներում: Մահապատիժը ոչ մի կերպ արդարացի չէ
Մինչ ծայրահեղականների հանդեպ կառավարության դիրքորոշումը գովելը, համաներման միջազգային կազմակերպությունը բողոքարկեց մահապատիժ իրականացնելու որոշման դեմ` ասելով, որ մահապատժի ենթարկելով արդարություն չեն հաստատում Սալման Տասերի մահվան համար և կոչ արեց երկրին ժամանակավորապես արգելել մահապատիժը:
-Սալման Տեսարը Պակիստանում կրոնական հանդուրժողականություն կոչ անող ուժեղ ձայներից էր և նրան սպանողը պետք է պատասխան տա, բայց ավելի շատ սպանությունների իրականացումը Սալմա Տասերի կյանքին և կոչին ուղղված հարգանքի ցավալի ձև կլինի, -իր հայտարարության մեջ ասել է Համաներման միջազգային հարավասիական տարածաշրջանայաին գրասենյակի տնօրեն Չամպա Պատելը:
Մարդու իրավունքների կազմակերպությունը հայտնում է, որ տասնչորս ամիսների ընթացքում Պակիստանում ավելի քան 300 մարդ է մահապատժի ենթարկվել: