Ռուսական գազի խոշորագույն գնորդների ցանկում Թուրքիան զբաղեցնում է երկրորդ տեղը, - հայտարարել է «Գազպրոմի» ղեկավար Ալեքսեյ Միլլերը:
РИА Новости-ի հաղորդմամբ, Ա.Միլլերը նշել է, որ հունվար ամսին Թուրքիա է մատակարարվել 2, 82 մլրդ խորանարդ մետր գազ, ինչը նախորդ տարվա նույն ամսի համեմատ 3, 4 %-ով ավել է, իսկ ամբողջ 2015թ. «Գազպրոմը» ավելի քան 27 մլրդ խորանարդ մետր գազ է մատակարարել Թուրքիա, ինչն, ըստ ռուսական ընկերության, նույնպես գերազանցում է նախորդ տարիների մատակարարման ծավալը:
Հավելենք նաև, որ Ռուսաստանի դեպի Թուրքիա գազն արտահանվում է հիմնականում «Կապույտ հոսք» անվամբ գազատարով, որի ընդհանուր երկարությունը կազմում է 1213 կմ:
Գազամատակարարման համար հիմք է հանդիսանում դեռևս 1997թ. դեկտեմբերի 15-ին Ռուսաստանի և Թուրքիայի միջև ստորագրված միջկառավարական համաձայնագիրը, որի շրջանակներում «Գազպրոմը» առևտրային պայմանագիր է կնքել թուրքական Botas ընկերության հետ՝ 25 տարվա ընթացքում «Կապույտ հոսքով» դեպի Թուրքիա 365 մլրդ խմ գազ մատակարարելու վերաբերյալ:
Գազատարի թողունակությունը տարեկան 16 մլրդ խմ է, իսկ 2003-2014թթ. ընթացքում նշված գազատարով մատակարարվել է մոտ 100 մլրդ խմ գազ: Ստորև ներկայացնում ենք դեպի Թուրքիա գազամատակարարման վիճակագրությունը նախորդ տարիների համար.