Статьи

Գրեթե մեկ շաբաթ է, ինչ համացանցը հեղեղված է Պարույր Հայրիկյանի դեմ մահափորձի մասին հոդվածներով: Ոմանց հետաքրքրում է Հայրիկյանի ապաքինումը, ոմանք ավելի անհանգստացած են ոճրագործին ձեռբակալելու հարցում, ոմանք հետաքրքրված են արդյոք կհետաձգվեն ընտրությունները թե ոչ, իսկ ոմանք անտարբեր վերաբերմունք են ցուցաբերում այս թեմայի շուրջը:

Սակայն ինձ ավելի շատ հուզում է մեկ այլ՝ ոչ պակաս կարևոր հարց՝ ինչու՞ է հասարակության մի հատված կարծում, որ մահափորձը իրականում կեղծիք էր: Ինչու՞ ոմանք ուղղակի չեն կարող ընդունել Հայրիկյանի հրաշք փրկությունը: Ես կխնդրեի այդ կարծիքի տեր մարդկանց մի կողմ դնել իրենց ապականված մտքերը և անհիմն կարծիքներ մղելու փոխարեն հիշել, որ ՀԱՅԸ երբեք չէր դիմի այդչափ նվաստ քայլի: Դուք ձեր վարկածներով գցում եք հայ մարդու անունը ոչ միայն հայ այլ օտարերկրյա հասարակության առջև:

Ինչ վերաբերվում է Պարույր Հայրիկյանին, մաղթենք նրան շուտափույթ ապաքինում և հուսանք, որ այդպիսի պատահարներ այլևս տեղի չեն ունենա, քանի որ դա կարելի որակաորել որպես մահափորձ ոչ միայն պարոն Հայրիկյանի, այլ ողջ հայության դեմ