Թուրքիայում անհատական մոտոցիկլետներ նախագծող Թարհան Թելին օրեր առաջ իր տանը երեկույթ է կազմակերպել՝ հրավիրելով Թուրքիայի շոու բիզնեսի հայտնի աստղերին, այդ թվում ստամբուլահայ հայտնի ռոք երգիչ Հայկո Ջեփքինին։
Երեկույթի ժամանակ զավեշտալի դեպք է տեղի ունեցել։ Երեկույթը սկսվելուց հետո, երբ ներս է մտել Հայկո Ջեփքինը, մասնակիցներից Գյոնուլ Յազար վախեցած վազել է դեպի պատուհան։ Տան տերը բղավել է թուրք երգչուհու հետեւից. «Այդ ի՞նչ ես անում, կանգնիր, կընկնես ներքեւ», սակայն երգչուհին չի լսել հորդորները եւ պատուհանից ցած նետվել։
Թարհանը արագ իջել է այգի եւ փորձել հանգստացնել Գյոնուլ Յազարին, սակայն երգչուհին ասել է. «Ամաչում եմ, բայց պետք է ասեմ, որ Հայկոյից վախենում եմ»։ Թարհան Թելը Գյոնուլ Յազարին եւ Հայկո Ջեփքինին ծանոթացրել է միմյանց հետ, սակայն երգչուհին երեկոյի ընթացքում չի համարձակվել մոտենալ Հայկոյին։
