Статьи

Գաղտնիք չէ, որ վերջին շրջանում մեծ թափ հավաքած «Իսլամական պետություն» (ԻՊ) ահաբեկչական խմբավորումը ջիհադ է իրականացնում նաև միասեռականների դեմ:

    
     Ինչպես նշում է dailymail.co.uk-ը, իսլամական միջավայրում ոչ ավանդական սեռական կողմնորոշում ունեցող տղամարդկանց գաղտնազերծելն այդքան էլ հեշտ գործ չէ, ուստի՝ գրոհայինները հատուկ «թակարդ» են պատրաստել միասեռականների համար:

    
     Քաջատեղյակ աղբյուրների փոխանցմամբ՝ ԻՊ-ն ունի երիտասարդ գրոհայինների հատուկ ջոկատ, որի անդամները, ձևանալով որպես միասեռականներ, ժամադրում են կասկածյալներին: Այնուհետև իսլամիստները ձերբակալում են միասեռականներին ու նրանց մահապատժի ենթարկում:

    
     Սովորաբար իսլամիստները միասեռականներին գցում են շենքի տանիքից ու դաժանաբար քարկոծում: Սակայն պատահում է, որ նրանք խոշոր փրկագնի դեպքում ազատ են արձակում միասեռականին: