Статьи

     2015 թվականի ապրիլի 30-ին Ջանֆիդայի Է. Դաշտոյանի անվան միջնակարգ դպրոցում տեղի ունեցավ միջոցառում՝ նվիրված Հայոց ցեղասպանության անմեղ զոհերի հիշատակին: Այս անգամ մասնակիցները 3-րդ և 4-րդ դասարանի աշակերտներն էին՝ դասվարներ Էլմիրա Սրեյանի և Ժենյա Սրեյանի նախաձեռնությամբ:
     Աշակերտներն իրենց ոգեշնչված և հուզիչ կատարումներով ներկաներին հաղորդակից դարձրին մեր նախնիների ողբերգական ապրումներին: Մեծ Եղեռն ապրած պապի և թոռնիկի երկխոսությամբ ներկայացվեց հայ ժողովրդի տառապանքներն ու զրկանքները ջարդերի ժամանակ: Միջոցառումն ավարտվեց հայի լուսավոր ապագայի նկատմամբ մեծ հավատի խոսքերով ու հրեշտակի ուղերձով՝ «Հիշենք, որ աշխարհը չմոռանա»: