«Միկա» -ի 25-ամյա կիսապաշտպան Վարդգես Սաթումյանը, ով ՀՀ Բարձրագույն խմբի առաջնության 24-րդ տուրի՝ Գյումրիի «Շիրակ» -ի դեմ խաղում գոլի հեղինակ դարձավ և փրկեց իր թիմին պարտությունից (2-2):
«Դժվար խաղ ստացվեց: Երկու անգամ պարտվում էինք, բայց արդյունքում կարողացանք հավասարեցնել հաշիվը՝ ցանկության և միասնության շնորհիվ: Հանդիպման ընթացքում առավելություն ունեինք, լավ գրոհներ էինք կազմակերպում, բայց մի փոքր շտապում էինք որոշումների մեջ, ինչի պատճառով էլ չէինք կարողանում գրոհները հաջողությամբ եզրափակել»:
Վարդգես Սաթումյանն այսօր իր 100-րդ հանդիպումն էր անցկացնում երևանյան թիմի կազմում, ինչն էլ կարողացավ նշել խփած գոլով, բայց.
«Ինձ համար յուրաքանչյուր խաղ առանձնահատուկ է և ինչպես այս, այնպես էլ յուրաքանչյուր խաղից առաջ ես մտածում եմ գոլ խփելու և թիմիս օգնելու մասին: Շատ ուրախ եմ, որ գոլի հեղինակ դարձա նաև այս հոբելյանական խաղում, բայց իհարկե կցանկանայի, որ մեր թիմն այսօր հաղթեր», - ասում է ֆուտբոլիստը: