Статьи

«Կոմիտա՛ս, շքեղ տխրություն...»

Կոտայքի մարզի Սոլակի միջնակարգ դպրոցում 2015 թվականի մարտի 13-ին «Եղեռն-100» միջոցառումների շրջանակներում տեղի ունեցավ «Կոմիտա՛ս, շքեղ տխրություն...» խորագրով միջոցառում:

Կոմիտասը հայ ազգի անկրկնելի մեծերից է, այն զարկերակներից, որով սնվում է հայ ժողովուրդը:

Մարդ, ում երգը լսելիս հայն ավելի է մարդանում, իսկ մարդն՝ ավելի հայանում:

ՈՒրեմն ծաղիկներ տանենք նրա շիրիմին և թող մեր ներսում զրնգան նրա մեղեդիները:

Լույս ճառագող նրա շիրիմի առաջ ծունկ խոնարհենք և ականջ դնենք, թե ինչ են արդյոք շշնջում իր ժողովրդի ցավից խոցված երազանքները:

Եվ չամաչենք արցունքներից, եթե ակամա կհոսեն...