(Հոբ, Հակոբ)
(790–791)
Աղբյուրը` Ամենայն Հայոց Կաթողիկոսներ հանրագիտարան, Ս. Էջմիածին, 2008
Հայոց կաթողիկոս է եղել 790 թվականից` հաջորդելով Ստեփանոս Ա Դվնեցուն:
Ծննդյան թիվն ու վայրն անհայտ են: Մահացել է 791թ.-ին Դվինում:
Կաթողիկոս-պատմագիր Հովհաննես Ե Դրասխանակերտցու համաձայն` Հովաբ Ա Դվնեցին ծնունդով Ոստանից էր` «ի Կուրապաղատին ապարանից», այսինքն` Դվինից: Հովաբ Ա Դվնեցու գահակալությունը համընկել է Աշոտ Մսակերի` Հայոց իշխանի պաշտոնը զբաղեցնելու առաջին տարվա և Հայաստանի նոր ոստիկան Նասրի նշանակման (790) հետ: Հավանական է, որ կաթողիկոսական գահ է բարձրացել այս երկուսի համաձայնությամբ: Հնարավորություն չի ունեցել արդյունավետ գործունեություն ծավալելու, քանզի «իբրեւ ամիսս վեց միայն» գահակալելուց հետո վախճանվել է:
Կաթողիկոսական գահին Հովաբ Ա Դվնեցուն հաջորդել է Սողոմոն Ա Գառնեցին:
