Статьи

Սամվել Սևադա, Հրաժեշտ աշնանը

Пресс-секретарь:
Նիդերլանդական Օրագիր Գրական էջ

14:13, Понедельник, 06 Января, 2014 года

Samvel Sevada

     ՀՐԱԺԵՇՏ ԱՇՆԱՆԸ

     Աշունն այս անգամ
     հեռացավ ինչպես եկել էր,
     գնաց առանց հետ նայելու,
     իր հետ տանելով գույներս,
     հույզերս, հույսերս,
     երազներս ու երազանքներս:

     Գնաց, ձմռան պաղ շունչը
     թիկունքին,
     հեռացավ, իր ետեևից թողնելով
     դեղին տերևների հուսահատ երամը,
     որպես հրաժեշտի գունատ առհավատչյա...

     Այսօր ձմռան մունետիկը
     հեռագիր բերեց,
     որպես աչքալուսանք,
     առ այն` որ ես մնում եմ սպիտակ հավերժության հետ
     - տետ ա տետ...

     Ախ, հիշողությունների սպիտակ սարդոստայնում
     թող թպրտա սիրտս,
     որպես գերի սառցե զնդանում
     ճերմակ դևի...

     Թողեք քնեմ աշունն իմ աչքերում
     ու սրտիս մեջ...

     Սամվել Սևադա
     2013

Продвижение этого поста

Статья опубликована в проекте Пресс-секретарь.
Зарегистрируйтесь и опубликуйте свои статьи.

Нравится

0

Не нравится

0