Արդեն 2 օր է, որ Երևանում գործող տաքսիները 1 կմ-ի համար նախկին 100 դրամի փոխարեն պահանջում են 120: Երբ տաքսիներից մեկի վարորդից հետաքրքրվեցի, թե ինչի են 20 դրամով թանկացրել, շատ համոզիչ տոնով պատասխանեց.
- Գազը թանկացել է:
- Ինչքան եք ավել վճարում գազի դիմաց, - հարցրի:
- Մեկ բալոնի համար 600 դրամ ավել ենք վճարում, - պատասխանեց՝ առավել թանձր նշելով 600 թիվը:
- Իսկ քանի կիլոմետր եք մեկ բալոնով քշում, - հարցրի:
-200, - արդեն ոչ այնքան վստահ տոնով պատասխանեց վարորդը:
- Փաստորեն, եթե այդ 600-ը բաժանենք 200-ի, ստացվում է, որ ընդամենը մեկ կիլոմետրի համար 3 դրամով է թանկացել գազը:
Վարորդը լռեց…