Երեկ անցնում էի Մարգարյան հիվանդանոցի մոտակայքով և ականատես եղա մի երևույթի, որն ինձ ապշեցրեց:
Մարգարյան հիվանդանոցի տանիքին տեղակայված էր հսկայական ալեհավաք:Չգիտեմ, թե որ կազմակերպությանն էր պատկանում, բայց ինձ համար դա էական չէ:Խնդիրն այն է, որ մարդիկ գնում են այնտեղ առողջությունը վերականգնելու, մեզ համար առողջ փոքրիկներ լույս աշխարհ բերելու նպատակով, այլ ոչ թե ճառագայթվելու և իրենց առողջությունը փչացնելու:Ալեհավաքի առկայությունը նման հաստատության տանիքին դուրս է ցանկացած տրամաբանությունից:
Չեմ հասկանում, թե ինչպես է հիվանդանոցի տնօրինությունը տվել իր համաձայնությունը:Միգուցե նրանք հանդիսանում են շահագրգիռ կողմերից մեկը:
Հույս ունեմ մեր իշխանությունները կարձագանքեն այս խնդրին և կպաշտպանեն մեր փոքրիկներին կյանքի առաջին իսկ օրվանից առողջությանը վնաս հասցվելու վտանգից:
Հ.գ: Սա վերաբերվում է նաև բնակելի շենքերի տանիքներին:Կարծում եմ, որ մեր ժողովուրդը չպետք է իր մաշկի վրա զգա տեղեկատվական տեխնոլոգիաների «զարգացման տեմպերը»: