Articles

     Դպրոցի գրադարանավարուհի Ս. Բասենցյանի և մայրենիի ուսուցչուհի Ն. Բարեյանի համատեղ ուժերով կազմակերպված գրքի քննարկումը նվիրված էր Մայրենիի օրվան: Աշակերտներիը ընթերցել էին Անդերսենի «Թագավորի նոր հագուստը» հեքիաթը, հասկացել արտահայտությունների գաղափարը, որոնցից մի քանիսը վրձնել էին: Ուսուցչի և գրադարանավարի բացման խոսքից հետո աշակերտները ներկայացրին տեղեկություններ հեքիաթասացի և հեքիաթի մասին: Այնուհետև հատվածաբար ընթերցեցին հեքիաթն՝ արտահայտելով իրենց մտքերն ու կարծիքները: Յուրաքանչյուրի խոսքում ընդգծվում էր նրա անհատականությունը: Ծավալված ակտիվ քննարկումը, կարծիքների բախումը, նկարների դիպուկ վերլուծությունները փաստում էին աշակերտների հետ տարվող համագործակցված աշխատանքի արդյունքի մասին: Ներկաների կողմից առաջադրվող հարցերին ևս տրվեցին դիպուկ պատասխաններ՝ կապելով այսօրվա խորհրդի հետ: Քննարկումը նպատակային էր, ուսանելի: