Ապրիլի 21-ին «Վաղարշապատի Մեսրոպ Մաշտոցի անվան թիվ 1 հիմնական դպրոց» ՊՈԱԿ-ում տեղի ունեցավ միջոցառում՝ «Հավերժ կանգուն ի´մ Հայաստան» խորագրով: Միջոցառմանը մասնակցում էին 4ա դասարանի աշակերտները, կազմակերպիչն էր դասվար Մարգարիտ Միսակյանը:
Միջոցառումը սկսվեց մոմավառությամբ՝ ի հիշատակ հայրենիքի համար զոհված նահատակների:
Միջոցառումը հագեցած էր հայրենասիրական շնչով: Աշակերտները ներկայացրեցին Հայաստանի անցյալը, ներկան և վառ ապագան: Ցուցադրեցին բամականացում պանդխտության թեմայով, որի շրջանակներում երեխաները եկան այն համոզման, որ օտար երկիրը հայրենիք չի դառնա: «Մի´ լքեք մեր հայրենիքը»:
Աշակերտներն իրենց ելույթն ավարտեցին հետևյալ խոսքերով. «Մենք ենք Նոյի կերտած այս օրրանը՝ հավերժ կանգուն Հայաստանը»:
