Իմ շա՜տ սիրելի ընթերցող, շնորհակալ եմ շնորհավորանքների համար: Շնորհակալ եմ բարի խոսքերի, ջերմ մաղթանքների համար: Ցանկանում եմ գրառել հետևյալ շնորհավորանքը ՝ինձ ուղղված, որից նույնիսկ հուզվեցի... Շնորհավորում եմ ծննդյանդ տարեդարձը: Կցանկանայի քեզ նվիրել ամբողջ աշխարհը: Ես քեզ եմ նվիրում նուրբ լուսաբացը, ուրախ, անհոգ օր և հիանալի երեկո: Իսկ գիշերը ոտքերիդ առաջ եմ նետում մե՜ծ, աստղալից երկինքը, ուր յուրաքանչյուր աստղ փայլում է միայն քեզ համար: Թո՛ղ այսօր չլինի քեզանից երջանիկ մարդ: Պահիր քո ամենացանկալի երազանքը, իսկ ես կպահեմ, որ այն կատարվի: Ցավոք սրտի ինձ չհաջողվեց բռնել ոսկե ձկնիկին, բայց կարծում եմ, որ դու ի վիճակի ես առանց հավելյալ օգնության ի կատար ածել երազանքներդ: Ցանկանում եմ, որ դու միշտ ունենաս անչափ երազանքներ ու նպատակներ: Հուսով եմ, որ իմ նվերը կուրախացնի Քեզ...
|
