Խնդրում ենք սպասել...
Այսօր`  հինգշաբթի, 09 հուլիսի, 2020 թ.

Հոդվածներ

Ռեֆորմիստների կուսակցությունը դատապարտում է ՍԴ ուզուրպացնելու Նիկոլ Փաշինյանի հակասահմանադրական քայլը

12:39, երեքշաբթի, 23 հունիսի, 2020 թ.
Ռեֆորմիստների կուսակցությունը դատապարտում է ՍԴ ուզուրպացնելու Նիկոլ Փաշինյանի հակասահմանադրական քայլը

Ռեֆորմիստների կուսակցության խորհրդը հայտարարություն է տարածել, որտեղ ասվում է. «Ռեֆորմիստների կուսակցությունը դատապարտում է ՍԴ ուզուրպացնելու Նիկոլ Փաշինյանի հակասահմանադրական քայլը:

ԱԺ իշխանական պատգամավորների կողմից ՍԴ դատավորների լիազորությունների դադարեցման մասին որոշման ընդունումը իշխանության ուզուրպացիա է:

Այս գործընթացի իրավական և քաղաքական պատասխանատուն Նիկոլ Փաշինյանն է և իր խունտան, որոնք անպայման պետք է կրեն պատասխանատվություն երկրի մայր օրենքը շրջանցելու և դատական իշխանությունը զավթելու համար:

Ավելին, այսօրվանից ՀՀ չունի նաև նախագահ, ում լիազորությունները չեղարկվեցին օրենսդիր իշխանության իշխանական պատգամավորների հակասահմանադրական քվեարկությունից հետո:
     Վենետիկի հանձնաժողովի և միջազգային հեղինակավոր կառույցների, փորձագետների և հասարակության լայն հատվածի հետ առանց քննարկելու օրվա ռեժիմը պատմությանը անհայտ բռնատիրական մեթոդներով բռնակցեցին ՍԴ-ն մեկ անձի` Նիկոլ Փաշինյանի իշխանությանը, դարձնելով այն իշխող ռեժիմի կամակատար:

Իշխող խունտան ևս մեկ անգամ հեղինակազրկեց Հայաստանի Հանրապետությունը ամբողջ քաղաքակիրթ աշխարհի առջև և ապացուցեց, որ Հայաստանը դարձել է մեկ բռնապետի կողմից կառավարվող բանանային պետություն:

Ռեֆորմիստների կուսակցությունը դատապարտելով կատարվածը՝ վերահաստատում է նախկինում հնչեցրած իր այն տեսակետը, որ իրավիճակի միակ լուծումը Փաշինյանի ավանտյուրիստական և հակասահմանադրական իշխանության հեռացումն է և ժողովրդավարական նորմերի համաձայն ԱԺ արտահերթ ընրությունների անցկացումը»:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1592 | 0 | 0
Facebook
COMMENT.am