2018 թվականի սեպտեմբերի 28-ին Աբովյանի մշակույթի և սպորտի համալիր կենտրոնի դահլիճում անց է կացվելու «Կոտայք 2018» Պարարվեստի 8-րդ մարզային մրցույթ-փառատոնը:
Ծրագրի նպատակն է մարզում պարարվեստի զարգացմանը աջակցելն ու մարզի համայնքներում գործող պարային խմբերի պատրաստվածության և ստեղծագործական ձեռքբերումների բացահայտելն է:
Մրցույթը կազմակերպել և անցկացնում է Կոտայքի մարզպետարանի կրթության, մշակույթի և սպորտի վարչությունը: Փառատոնին մասնակցելու իրավունք ունեն մարզի համայնքներում գործող պարային համույթները, որոնք ընդունում են փառատոնի կանոնակարգը և մինչև սույն թվականի սեպտեմբերի 18-ը մարզպետարանի աշխատակազմի մշակույթի և սպորտի բաժին կներկայացնեն մասնակցության հայտ:
Փառատոնը անց է կացվում երկու տարիքային խմբերով՝ 10-14 տարեկան և 14 տարեկանից բարձր: Մրցույթ-փառատոնը անց է կացվելու մեկ փուլով և ավարտվելու է մրցանակաբաշխությամբ: Յուրաքանչյուր անվանակարգում երկու տարիքային խմբերում 1-ին, 2-րդ, 3-րդ տեղեր գրաված պարային համույթները պարգևատրվելու են Կոտայքի մարզպետի կողմից սահմանած մրցանակներով և 1-ին, 2-րդ, 3-րդ կարգի դիպլոմներով: Սահմանված են նաև հատուկ մրցանակներ:
kotayk.mtad.am
