Հոդվածներ

     Ս.թ. մարտի 1-ին` ժամը 13: 30-ին, Վ. Բրյուսովի անվան պետական լեզվահասարակագիտական համալսարանի առաջին մասնաշենքի նիստերի դահլիճում տեղի կունենա «Հրաժեշտ տասնիննին» խորագրով գրական ցերեկույթ, որը կազմակերպվել է հայագիտության ամբիոնի կողմից՝ ամբիոնի դոցենտ Անահիտ Հակոբջանյանի նախաձեռնությամբ: Ցերեկույթը նվիրված է Մայրենի լեզվի միջազգային օրվան: Միջոցառման շրջանակներում կներկայացվեն ՍԳՍ ֆակուլտետի 2-րդ կուրսի միջազգային տուրիզմ բաժնի ուսանողուհի Աիդա Հարությունյանի բանաստեղծությունները:
     Միջոցառման հյուրերն են արձակագիր Սուսան Հարությունյանը, «Գրանիշ» գրական համայնքի խմբագիր Հասմիկ Հակոբյանը, «Նարցիս» գրական-գեղարվեստական հանդեսի խմբագիր Շանթ Մկրտչյանը, լուսանկարիչ Հայկ Կիսեբլյանը, բանաստեղծուհի, լրագրող Լուսին Ղազարյանը, «Գարուն» ամսագրի խմբագիր Աշոտ Գաբրիելյանը և այլք:
     Սիրով սպասում ենք բոլորիդ: