Այսօր առավոտյան Արաբկիր համայնքի մի շարք մթերային խանութների ներսում, անհայտ անձինք, խանութ մտնող դուրս եկողներին թռուցիկներ էին բաժանում, որտեղ նշված էր ապրիլի 24-ին զանգվածային անկարգություններ կազմակերպելու կոչերի մասին: Դա բերեց քաղաքացիների վրդովմունքի, որոնք թռուցիկներ բաժանողներին թուրք անվանեցին եւ ասացին, որ թույլ չեն տա պղծել ցեղասպանության տարելիցը: Մեկնաբանելով իրավիճակը մի պապիկ մեզ ասաց. «Այս ամենը Թուրքիայի գործակալների կազմակերպած սադրանքն է: Նրանք տարածում են այնպիսի լուրեր, թե իբր ապրիլի 24-ին անկարգություններ են լինելու, որպեսզի մարդիկ խուսափեն այդպիսի անախորժություններից, վախենան եւ ապրիլի 24-ին քիչ մարդ գնա Ծիծեռնակաբերդ, որից ամենաշատը կուրախանան թուրքերը ու կասեն, տեսեք անգամ հայերը իրենց նահատակներին չեն հիշում: Մեկա մենք գնալու ենք եւ, եթե մեկը փորձի այդ օրը համը հանել իմ այս կոպալով կտամ գլխին» .- ասաց զայրացած պապիկը թափահարելով ձեռնափայտը:
