Նոյեմբերի 18-ին, Նարեկացի արվեստի միությունում տեղի ունեցավ պատմական գիտությունների թեկնածու, դոցենտ Լիլիթ Մկրտչյանի «Կրթական վերափոխումները ՀՀ-ում 1991-2005» գրքի շնորհանդեսը: Երևանի պետական համալսարանի պատմության ֆակուլտետի դեկան Էդիկ Մինասյանը նշեց, որ գիրքը չափազանց արժեքավոր աշխատանք է. հեղինակը հիմնավոր առաջարկներից զատ, եզրակացություններով ամբողջացրել է կրթական համակարգի վերափոխումների մի ամբողջ ժամանակաշրջան: ԵՊՀ դասախոս, կրթության փորձագետ Սերոբ Խաչատրյանի խոսքով, սա բացառիկ աշխատանք է, քանի որ ամփոփում է անկախության տարիների կրթության վիճակը:
Լիլիթ Մկրտչյանը նշեց, որ դեռևս տարիներ առաջ որոշել էր առնչվել կրթության բոլոր ոլորտների հետ, և հենց դա էլ օգնեց իրեն տեսնելու կրթության ոլորտի բացթողումներն ու առանձնահատկությունները, ինչն էլ ամփոփվեց այս աշխատանքում:
