«Բարսելոնան» մտադիր է ամռանը գնել Հայաստանի հավաքականի և Դոնեցկի «Շախտյորի» կիսապաշտպան Հենրիխ Մխիթարյանին։ Այս սենսացիոն լուրը հաղորդում է շվեյցարական Gerüchte Ticker պորտալը։
Կատալոնական ակումբի ամառային տրանսֆերային պատուհանի 2 գլխավոր նպատակներն են «Սանթոսի» հարձակվող Նեյմարն ու մեր Հենրիխը։ Աղբյուրի ունեցած տեղեկությունների համաձայն՝ «Բարսելոնան» պատրաստ է 25 մլն եվրո առաջարկել Մխիթարյանի տեղափոխության դիմաց։
Նշվում է, որ Նեյմարն ու Մխիթարյանը աշխարհի ուժեղագույն ակումբներից մեկի կազմում կփոխարինեն Դավիդ Վիլյային ու Ալեքսիս Սանչեսին։
Հիշեցնենք, որ «Չելսին» և «Մանչեսթեր Սիթին» լրջորեն հետաքրքրված են Հենրիխ Մխիթարյանի ծառայություններով
